ZIANNA
Nagising ako sa sunod-sunod na katok sa labas ng pintuan sa silid ko. Pupungas-pungas ng mata na sinulyapan ko ang wall clock para tingnan ang oras. Napahilamos ako sa mukha dahil ala una pa lang pala ng madaling araw.
"Zianna, buksan mo nga itong pintuan. Bilisan mo!" Sigaw ni Tito Bert sa labas ng silid ko. Bigla naman ako nag-alala dahil tinawag ako nito sa pangalan ko. Bigla tuloy nagising ang diwa ko.
Mabilis akong bumangon sa higaan at tinungo ang pintuan para pagbuksan si Tito Bert.
"Tito, 'di ba sinabi ko ng—" Natigil ako sa pagsasalita ng makita ko na hirap na hirap ito sa pagtayo. Nakaalalay ito sa lalaking mas malaki pa sa kanya na halos hindi na mai-angat ang ulo dahil sa kalasingan. Nagusot naman ang ilong ko dahil nanuot sa ilong ko ang amoy ng alak.
Nilakihan
