ZIANNA
Bago kami umalis ng mall, dinala muna niya ako sa isang salon. Kinausap niya ang isang staff. Katulad pa rin ng dati ay bahagyang malayo ang distansya niya sa staff dahil babae ito. At pagkatapos nga nito makipag-usap ay may dinukot ito sa bulsa nito. Napapailing na lang ako dahil hindi pa rin pala ito nagbabago, lagi pa rin itong may dalang spray. Nang tinalikuran siya ng staff ay pasimple itong nag-spray sa buong katawan nito bago prenteng naupo sa waiting area.
Kaya kami narito ay para ayusan ako. Nahihiya siguro siyang iharap ako sa judge na wala man lang kaayos-ayos ang mukha. Sinabi ko sa staff na simplehan lang niya ang paglalagay ng makeup sa mukha ko. Ilang minuto lang ay tapos na ito. Nang sulyapan ko ang sarili sa salamin ay napangiti ako. Sinunod naman niya ang sinabi
