ZIANNA
Kinabukasan ay maayos na ang pakiramdam ko pero hindi pa ako hinayaan ni Redd na pumasok sa opisina hanggat hindi pa sigurado na magaling na ako. At hindi ko rin hinayaan na hindi siya pumasok ngayong araw. Pinilit ko siyang pumasok sa opisina kahit ayaw niya. Nangako na lang ako na hihintayin ko ang pagdating niya para pumasok lang siya. Heto nga at mag-isa na lang ako dito sa penthouse niya.
Narito ako sa sala at nanonood ng television. Nababagot na ako sa kwarto kaya mas pinasya kong dito na lang manatili.
Tumigil ako sa pagnguya ng crackers na kinakain ko ng tumunog ang phone ko sa ibabaw ng mesa. Ito ang phone na binigay niya kaya alam ko na kung sino ang tumatawag. Wala namang ibang numero na naka-saved sa phone ko kundi sa kanya lang dahil iyon ang utos niya.
Agad kong
