ZIANNA
Buong araw ay nakatutok ang atensyon sa akin ni Redd. Buong araw rin akong nakahiga sa kama. Pakiramdam ko kasi ay mas lalong lumala ang sama ng pakiramdan ko. Lamig na lamig ako kahit hindi naman nakabukas ang aircon at makapal na ang kumot ko sa katawan.
Hindi siya umaalis sa tabi ko kung hindi naman kailangan. Lagi niya akong tinatanong kung may gusto raw ba akong kainin pero laging iling lamang ang nagiging sagot ko. Wala rin akong ganang kumain. Maliban sa noodles na kinain ko ay wala ng ibang laman ang tiyan ko.
Wala siyang ginawa sa kwarto kundi manood habang katabi ako. Minsan ay napapasilip ako pero dahil mabigat ang pakiramdam ko ay pinipili ko na lang na pumikit at kalaunan ay nakakatulog ako. Kapag nagigising naman ako ay tahimik pa rin siyang nanonood. Mahilig siya
