LIESELOTTE
KUMUNOT ang noo ko at napahinto nang sa pagliko ko ay hindi ko na nakita ang babaeng hinahabol ko kanina. Napakamot pa ako sa batok dahil ang bilis naman ng babaeng 'yon tumakas, partida naka-dress pa ito at nakasout ng mataas na heels na kumaripas ng takbo daig pa mga experts akyat-bahay. Nakakapagtaka naman na bigla siyang nawala gayong wala na siyang lilikuan dahil dead end na dulo ng daan na kinatatayuan ko.
Hindi naman siguro siya lumipad at nag-ala manananggal?
“Nasaan na kaya ang babaeng 'yon?” tanong ko sa aking sarili at nakagat ang ibabang labi dahil sa pagkadismaya.
“Lieselotte!”
Nanlaki ang mga mata ko nang marinig ang pagtawag ni Caius sa aking pangalan. Pinagkiskis ko ang aking bagang dahil tiyak sermon na naman ito saka unti-unti na nilingon ang lalaking
