LIESELOTTE
ALAS-OTSO NA ng umaga at kanina pa ako gising dahil hindi maalis sa isip ko ang nangyari kagabi. Malaking palaisipan pa rin sa amin kung sino ang nagbigay ng regalong may lamang tainga ni Bright at litrato kung saan ay nakaharap siya sa kamera, duguan at naliligo sa sariling dugo. Ni hindi namin alam kung buhay pa ba siya. Dahil doon ay maagang umalis si Caius para tumungo sa security para personal na imbestigahan ang nangyari.
Napabuntong-hininga ako at tumayo na para pumunta ng banyo dahil aalis kami ni Caius pagbalik niya. Akala ko pa naman masaya ang magiging bakasyon namin ni Caius pero mukhang hahabulin at hahabulin kami ng panganib. Mabilis lang akong naligo at nagtapis ng tuwalya nang makalabas ng banyo. Napaigtad pa ako nang biglang bumukas ang pinto ng unit at inil
