LIESELOTTE
MAHIGPIT ang pagkakadaop-palad ni Boss Caius at ni Attorney Montreal na halos naglalabasan na ang kanilang ugat sa braso. Mataman din ang pagtitig nila sa isa't isa na tila ba may kuryenteng lumalabas sa kanilang mga mata. Tumikhim ako dahilan para mapatingin sila ng sabay sa akin at agad na nagbitaw ng kamay. Ngumiti naman si Attorney at inayos pa nito ang sout na salamin saka umupo. Bumaling muna ako sa Boss kong masama ang tinging pinupukol sa akin at nang tumango siya ay naupo na ako.
“So, what brought you here? Miss Guerrero and Mister Montealegre?” tanong ni Attorney na bahagya pa ring nakangiti sa akin.
Katahimikan ang namayani sa aming tatlo dahil hindi ko alam kung paano ako magsisimula na sabihin ang pakay ko. Nakatitig kasi sa akin si Boss Caius at hinihintay a
