Chapter 32
ELLIANA
SA LOOB ng maraming taon ng pagtitiis sa puder ng mga kamag-anak ko at pamumuhay ng mag-isa nang magdesisyon akong mamuhay ng solo ay ngayon lamang ako nakaramdam muli ng labis na kagalakan sa aking sitwasyon. Napakalaki ng aking pasasalamat kay Lincy na siyang naging daan upang tamasahin ko ang lahat ng magagandang bagay na mayroon ako ngayon.
Hindi ko akalain na ang kakayahan kong makakita ng mga bagay na hindi nakikita ng iba ay isang sumpa sa akin ngunit ngayon ay napagtanto kong isang malaking biyaya pala. Blessing in disguise, kumbaga.
Bumalik sa alaala ko ang matinding takot ko nang makakita ako ng mga kaluluwa, engkanto at mga lamang-lupa noong ako ay magising mula sa isang aksidente na kumitil sa aking mga magulang. Nakulong ako sa matinding takot na nagin
