Chapter 33
ELLIANA
KINAKABAHAN kong binaybay ang daan patungo sa una kong klase. Wala namang masama sa mga tingin ng mga nakakasalubong kong mga estudyante pero nakakaramdam ako ng kaba sa bawat tingin na ipinupukol nila sa akin. Sana naman ay masanay rin agad ako sa bagong paligid na gagalawan ko sa araw-araw. Mabilis ko namang nahanap ang classroom namin at nagmadali akong pumasok. Nagpalinga-linga ako at humanap ng magandang pwesto.
Napili ko ang puwesto katabi ng isang lalaking nakasalamin. Base sa itsura nito ay mukha siyang tipikal na lalaking mahiyain. Nakatutok lang ang tingin nito sa librong binabasa niya at tila hindi namalayan ang pag-upo ko sa upuan na nasa kaliwa niya.
Nagpakawala ulit ako ng isang malalim na paghinga. Finally! Makakapag-aral na ako ulit. Ang tagal ko rin
