Chapter 26
LINCY
"ELLIANA, may naghahanap sa'yo sa labas," sabi ni Manang Fely sa akin habang abala ako sa pag-aasikaso sa kusina. Nagtaka ako kung sino ang maghahanap sa akin gayong matagal namang walang nakakaisip na bumisita sa akin.
"Sino raw po iyon, 'Nay?" nagtatakang tanong ko dahil wala akong maisip na taong maaaring bumisita sa akin.
"Hindi sila nagpakilala. Mag-asawa yata 'yon. Basta ang sabi ay gusto ka raw nilang makausap."
Mag-asawa? Hindi kaya iyon ang mga magulang ni Andrea? Sumilay ang kakaibang takot sa puso ko nang biglang pumasok sa isip ko ang karumal-dumal na sinapit ng magkapatid sa mga kamay nila. Natatakot na ako na baka alam na nila kung nasaan si Andrea at kunin nila sa akin ang bata. Paano ko siya ipagdadamot sa kanila gayong sila ang tunay na kadugo at ku
