"Good morning Zizi." Masayang bati ni Aize, pagkakita niya kay Izzy na nasa kusina. Nagkakape na ito, at kumakain ng ensaymada.
"Mukhang maganda ang ang gising nating ngayon senyorita, ah. Ano bang meron?" May panunudyo pa sa boses ni Izzy, pero hindi na lang niya pinansin.
"Wala naman, kompleto lang ang tulog ko. Gusto ko din sanang magkape." Aniya.
"Ayaw mong warm water muna? Naka-inom na ako ng maligamgam na tubig kanina eh. Kaya naman nagkakape na ako." Anito na ikinailing niya.
"Okay senyorita, ako na lang ang magtitimpla. Maupo ka na lang. Nga pala, iyan iyong pasalubong ni Sasysay sayo. Nakikain lang ako. Masarap senyorita."
"Nasaan si Cy?" Tanong niya dito.
"Ahm. Umalis na. Sobrang aga kasi niyang umalis tapos gabing-gabi na rin kung dumating." Paliwanag nito ng maalala niya
