"Romero!" Tawag ni Rodrigo kay Cy habang namamahinga ang mga ito sa isang upuan sa gilid ng palengke.
Katatapos lang nilang magdiskarga ng isang truck ng gulay at prutas.
Tinanguan lang ni Cy ang kaibigan, sabay taas ng bottled water na hawak.
"Si Jose ang tahimik dito hindi naman ikaw. Bakit kung umasta ka ngayon ala Jose number two?" Ani Igo, at nakatanggap pa siya ng pagtulak sa kaibigan.
Sinamaan naman niya ng tingin si Igo na ikinatawa lang nito.
"Alam mo Cy, kung mahal mo hanapin mo. Hindi iyong, ganyan ka. Gagayahin mo pa si Jose. Ano ng mangyayari sa akin sa ating tatlo? Tatahimik na rin ako?" Pagrereklamo pa ni Igo.
"Paano ko hahanapin ang taong kusang lumayo at iniwan ako ng basta na lang na hindi malaman ang dahilan. Sige nga. Mabuti iyong kay misis mo. May dahilan kaya mo
