Napatitig naman si Aize sa mga mata ni Cy na nagtatanong. Isa ito sa bagay na kinatatakutan niya. Una ay ang masamang pwedeng mangyari dito, dulot ng aksidente, o ang makalimutan siya nito.
Napayuko na lang si Aize. Wala na ngang pahinga ang mga luha niya sa paglabas. Heto na naman at umuusbong na naman.
"ARAY!" Malakas na sigaw ni Cy na biglang nagpatunghay kay Aize. Napatingin naman siya kay Cy na ngayon ay maayos ang upo na wari mo ay walang aksidenteng kinasangkutan.
"Bakit ka ba naninipa Dimaano!? Masakit ha! Itatali ko talaga iyang paa mo! Teka nga lang. Ano itong nasa ilong ko?" Tanong ni Cy at inalis pa ang oxygen na nakaharang sa ilong nito. "May benda pa? Bakit po mukha naman akong mummy nito?" May pagtataka sa tono ng boses ni Cy na hindi maunawaan ni Aize.
Napatingin naman
