AMAYA SHANNEL'S POV
NAGPAPAALAM na ako sa mga magulang ko para pumasok sa trabaho nang makarinig kami ng sigaw mula sa labas ng gate ng aming bahay.
"Sino 'yon? Ang aga-agang mag-iskandalo." Ani ni Papa Joel, at sumilip sa labas ng bintana para tingnan kung sa gate nga namin nanggaling ang malakas na kalampag.
"Sa gate ba natin 'yon, Joel?" tanong ni Mama Julie, na nakisilip na rin. "Aba'y sa gate nga natin. Sino ba 'yon?"
"Amaya! Lumabas ka riyan!"
Nagkatinginan kami ng pamilya ko nang marinig ang sigaw ng boses ng babae. At kahit hindi ko na tingnan, alam ko na kung sino ang nag-iiskandalo sa labas ng gate namin.
"Amaya! Alam kong nariyan ka sa loob! Lumabas ka riyan!" Lumagabog ang gate namin.
Mukhang may ibinato si Ate Verlyn.
"Ano ba naman 'yang ate ng nobyo mo, parang
