CECIL
Bago ako pumasok sa trabaho ay kinatok ko si Orla sa kwarto. Binuksan naman niya ang pinto. Nakita kong may hawak siyang libro kaya kumunot ang noo ko.
“Ang aga mo namang nag-aaral?” tanong ko. Ngumiti lang siya ng tipid.
“I need to pass the board exams this time, Cecil. Kung makakapasa ako sa board exams ay pwede akong makabalik sa Australia para magtrabaho doon kahit na wala ang tulong ni Daddy,” paliwanag niya.
“Balak mong umalis ng bansa?” tanong ko. Tumango siya pero kitang-kita ko sa mga mata niya ang lungkot.
“Paano si Kross?” tanong ko. Kinagat niya ang ibabang labi at saka umiling.
“I decided to give up my feelings for him, Cecil…” Mahinang sambit niya. Kumunot ang noo ko.
“Why? Dahil hindi na matutuloy ang kasal ninyo?” tanong ko. Umiling agad siya.
“Hindi naman tal
