CECIL
Hanggang sa kumakain na ako ng dinner ay naiisip ko pa rin ang mga nangyari sa amin ni Jonas kanina. Medyo busog pa ako sa kinain kong tacos kaya halos hindi ko nagalaw ang pagkain ko at umakyat na sa itaas para maligo.
Palagi naman akong nagpupunta sa kwarto ni Jonas pero ngayon lang ako pupunta doon na ang dahilan ay gagawa ng assignment kasama siya!
“That’s so boring and unusual!” Napapangiwi na bulong ko habang naliligo. Madalas na ang ginagawa namin kapag pumupunta ako sa kwarto niya ay naglalaro ng video games o kaya naman ay sabay naming minamarathon ang isang series na tapos na para walang mang i-spoil!
Binilisan ko ang paliligo. Nang nasa tapat na ako ng closet ay natigilan ako nang ilalabas ko na ang isang pares ng pajama na usual na suot ko kapag matutulog na.
“I am n
