CECIL
“Isn’t this place too cramped for you, Cecil?”
Mula sa tinitimpla kong juice ay nag-angat ako ng tingin kay Kross. Dahil hindi natuloy ang dinner namin noong dumating siya dito sa Pilipinas ay binisita niya na lang ako dito sa bago kong apartment.
Pero kakarating niya pa lang ay sobrang dami na niyang napupuna dito sa apartment! Umikot ang mga mata ko. Kung tutuusin ay walang-wala itong apartment ko kumpara sa dati kong mga tirahan.
Ang corporate house ng mga Mijares, kung saan ako tumira ng matagal habang nag-aaral, ay parang isang malaking bahay noong hindi pa narerenovate. Ang staff house naman ng Mijares Trine na siyang nilipatan ko ay maluwang na maluwang ang kwarto. Kaya sobrang komportable ako.
Itong apartment ko ay parang kasing laki lang ng CR ng kwarto ko sa staff hous
