"Cheska, malinaw naman sa 'yo lahat! At paulit-ulit kong pinaliwanag sa 'yo na hanggang magkaibigan lang tayo! Ikaw 'tong nagpupumilit na ipagsiksikan ang sarili mo sa akin!" wala na sa direksyon ang sinasabi ni Zoren, parang nagdadahilan na lang ito upang ipamukha kay Cheska na s'ya ang may kasalanan ng lahat. Tumungin ng diretso si Zoren kay Cheska. "Bumalik na si Charlene," seryoso nitong sabi. "At dahil d'yan sa pinagkakalat mong ikaw ang nangliligaw sa akin, sa palagay mo ba maggiging komportable pa ako? Sa palagay mo ba magandang biro 'to? Hindi lang pagkalalake ko ang tinatapakan mo! Pati relasyon namin ni Charlene pwedeng mapurnada dahil sa 'yo! Alam mong matagal ko ng hinihintay ang pagbabalik ni Charlene, tapos ganito? Cheska lumalagpas ka na sa limitasyong binigay ko sa 'yo! At
