Hindi ako tumutol nang yakapin ako ni Fern. Almost ten years kong pinanabikan ang mga yakap niya pero hindi ko mawari sa aking sarili kung bakit imbes na maging masaya ay puro sakit at galit ang nadama ko sa mga oras na iyon. Bumalik sa aking alaala ang lahat ng mga panloloko at pananakit niya noong nagsasama pa kami.
Nakatayo lang ako na parang tuod habang yakap ni Fern. Hindi ko tinugon ang yakap niya dahil parang ang bigat ng mga braso ko kaya nanatili lang iyon sa magkabila kong tagiliran. Nang tanggalin nito ang mga braso na nakayakap sa akin, ay mahigpit niyang hinawakan ang kanang kamay ko at pilit na ibinigay sa akin ang palumpon ng bulaklak. May kinuha ito sa bulsa saka lumuhod sa harapan ko.
"Babe, I want us to be a family again, so please marry me, again." Pormal na pormal ang
