Naalimpungatan ako nang tumunog ang aking cellphone. Umupo ako at kinuha iyon sa sahig.
"Hello?" wika ko sa paos na tinig habang kinukusot ang aking mga mata.
"Oh my! Mukhang inumaga kayo ni Chuck, ah!" tudyo ni Patrick sa kabilang linya. "Halatang-halata, boses pa lang alam na." Tumili ito kaya inilayo ko ang cellphone sa aking tainga.
"Gaga ka, Patrick. Nilagnat si Clint kagabi, mabuti na lang narito si Chuck. Sinamahan niya ako para bantayan ang anak ko," sagot ko rito dahil alam ko na naglalakbay na naman ang utak nito. Green minded si Patrick pero magkagayunman matatawa ka na lang sa bawat biro na namumutawi sa bibig nito.
"Kumusta na ang inaanak ko? Bakit hindi mo ako tinawagan kagabi?" Dinig ko ang pag-aalala sa boses nito. "Wait, pupunta ako riyan, now na!"
"No need, Patrick.
