VINCE
KINAPA ko ang katabi ko. Hindi ko pa sana gustong bumangon nang wala akong maramdaman. Napabalikwas ako. Wala na si Aaliyah sa kama.
“Babe,” tawag ko. Nilingon ko ang orasan. Alas sais pa lang ng umaga. Mabilis kong hinanap ang roba ko saka sinuot. Dali-dali akong lumabas ng silid at hinanap sa buong mansion ang asawa ko. Ang inaasahan ko ay tatanghaliin kami sa pagbangon dahil sa nangyari kahapon. Hapon na nang umuwi kami pero hanggang gabi ay hindi ko napigilan ang sarili ko na angkinin siya ng paulit-ulit. Wala akong narinig na reklamo mula sa kanya. Sa halip, hinayaan niya lang ako na gawin iyon. “Manang, have you seen my wife?” tanong ko nang makasalubong ito pababa ng hagdan.
“Ikaw talagang bata ka. Kung makapaghanap ka, parang nawawala ang asawa mo.” Tinapik-tapik niya ang
