Ilang sandali lang nang makaalis si Darwin ay saka naman ang pagsidatingan ng barkada ko. Sobrang ingay nila at panay pa ang biruan.
"Lex, kinausap kami ni Darwin. You wanted to break up with him?"
Nang itanong iyon ni Joi ay naging tahimik silang lahat. Naupo ako sa hospital bed at agad silang pumalibot sa akin. Katabi ko si Joi at Joana na hinahaplos ang buhok ko. Yung mga lalaki ay nasa harap namin.
"I...I received a news earlier this morning.." Panimula ko. "Hindi na ako mabubuntis."
Nang sabihin iyon ay agad na namang pumatak ang mga luha ko. Napasinghap sa gulat si Joi at Joana, they know kung gaano kasakit ang ganito. Ina na rin silang pareho.
"Because of my miscarriage and because of what Aika did to me, I won't be able to carry a child. Sobrang hirap tanggapin dahil ngayon pa
