Niyakag sina Greg at Hazel ng matanda sa loob upang masimulan na. Ang binata ang naka-assign sa opening remarks kaya naman agad silang isinama sa loob. Isang malaking open field ang venue ng event. Sa likod lamang iyon ng building ng LCF.
Makikita sa paligid ang mga batang abala sa pag-aayos ng kani-kanilang booth. Ang iba naman ay naka-assign as marshall at ang iba pa ay ang mga batang maliliit na galing sa bahay-ampunan na suportado rin ng LCF. Agad na nagtinginan ang mga tao sa kanilang pagdating.
Kabi-kabila ang bulung-bulungan. May mga nakakikilala kay Greg at ang ilan naman ay naririnig lamang ang pangalan niya ngunit ngayon pa lang nila ito nakita sa personal. Mababakas ang paghanga ng mga ito sa binata at ang iba naman ay bakas ang kuryusidad kung sino ang kasama niyang babae.
“
