“T—Tulong!”
Ang mahinang boses mula sa nakabulagtang si Allie ang sumalubong sa akin pagpasok na pagpasok sa unit.
Natigilan ako saglit at walang-emosyon ko itong tiningnan. Gusto ko maawa pero mas lamang sakin ang naiinis. Di ko maunawaan kung bakit ganon na lang ang iyamot ko sa taong ito tapos lalo pang tumindi sa mga oras na nakatitig ako rito habang namimilipit sa sahig at humihingi ng tulong.
Ang pathetic niya!
"Oh, bakit ka natigilan?!" tanong ni Rob habang nakatayo sa tabi ko sa labas ng pinto, panay ang tingin sa hallway.
"May tao pa," sabi ko.
"Yong babae na lang ata eh, kaya na natin yan,"
"Hindi," sabi ko.
"Anong problema? Tabi! Ikaw na may sabi na wala namang problema diyan sa babae dahil walang kwenta," gigil na nitong sabi. "Wag ngayon Ino. Napakatagal na nating p
