"Dad, kailan ba tayo babalik sa island?" tanong ni Arriana sa ama.
"Hindi ko pa alam, anak, eh," tugon ni Henry. "Matagal akong nawala sa kompanya. Hindi ko pwedeng pabayaan ang kompanyang iniwan sa akin ng iyong lolo at ng mommy mo. Isa pa, wala naman tayong gagawin sa isla, 'di ba? Okay ka na. Nakakalakad ka na. Ang magandang pagplanuhan natin ay ang pagbalik mo sa regular classes mo."
Tumango si Arriana. "You're right, Dad. I understand. Nami-miss ko lang po ang bahay natin do'n at ang dagat."
Higit sa lahat, si Sebastian . . .
Gustong gusto na niya itong makita. Ilang buwan na rin magmula nang umalis siya sa isla at magtungo sa Australia para sa kanyang therapy at operation. Ipinangako niya kay Sebastian na kaagad niya itong pupuntahan kapag makalakad na siya. Natatakot siyang bak
