"SAAN ka nanggaling?" bungad na usisa ni Jane kay Seb pagkarating nito sa bahay. "Alam mong maraming customer sa resto kapag ganitong araw, 'di ba? Alam mong kailangan ni Mama ng tulong!"
"Pero ang Mama ang nagsabing kaya na nila ng mga tauhan natin. Besides, hindi naman daw gano'n karami ang taong nagpunta ro'n unlike the usual," kalmadong tugon ng binata.
"Pagod na pagod si Mama nang umuwi siya. Inuna mo pa 'yong girlfriend mo!"
"E, ikaw, ano ang ginawa mo maghapon? Hindi ba lumabas ka lang ulit kasama ang barkada mo? Simula nang dumating ako rito, hindi naman kita nakitang pumunta sa resto para tulungan ang Mama. Ako, ngayong araw lang ako nawala. Sa tingin ko, hindi mo naman dapat ikagalit 'yon."
"At paano naman napunta sa akin ang usapan? Wala akong alam sa negosyo ni Mama. Nex
