NAKARAMDAM ako ng pagka-ilang at nasa harapan ko si Tristan. Nasa hapag-kainan kami ng mga oras na iyon.
Katabi nito si Alina. Katabi ko naman sina Tyson at Tyler. Si Grandma naman ang nasa pinakagitna.
"Ang saya-saya ko, daddy!" daldal na naman ni Alina.
Bumaling naman dito si Tristan.
"Bakit masaya ang prinsesa namin?" tanong nito.
Ngiting-ngiti naman ang anak kong si Alina.
"Kasi natupad ang wish ko na makasama ka namin!"
"Ganoon din ako, anak."
Pinunasan pa nito ang gilid ng labi ni Alina. Hindi ko tuloy maiwasang titigan ito sa mukha.
Tatay na tatay kong kumilos? Mukhang bumabawi nga ito sa lahat ng pagkukulang nito sa tatlong bata?
Nilagyan ko naman ng pagkain ang pinggan ng dalawang anak ko.
"Kain na.." mahinang wika ko sa mga ito.
Napatitig ako sa adobong nasa m
