33. THE EVIL’S PRECIOUS SECRET.
“BAKA magalit si Dee? Ikaw lang ata ang wala ro’n, e,” katwiran ni Yanna kay TJ.
“Hamo siya, malaki na siya,” walang pakialam na sagot nito tsaka siya inakbayan at naglakad na sila paalis.
Ang totoo kasi, siya palang talaga dapat ang uuwi dahil may matindihang practice na naman ang Shooting Monstars. Hindi kasi natuloy ang laro kanina dahil na-move ang schedule bukas. E, ang kaso, ang mokong niyang boyfriend masyadong seloso, gustong manigurado kaya ihahatid muna siya pauwi. Baka raw kasi patanga-tanga na naman siya’t may makabungguan na naman siyang lalaki. Edi, may ibang lalaki na namang kakausap sa kanya? Nako. Napakaseloso lang talaga.
Mabuti na nga lang kagabi, nu’ng lumundag na naman si TJ sa veranda niya na lagi naman na nitong ginagawa,
