Chapter 21
"Bakit ka sumama sa kanya?" tanong kaagad ni Wrum sa akin noong nakarating kami dito sa mansion.
Ang naipako kong tingin sa aking paa ay agad kong naiangat at ibinaling sa kanya. Hindi na ako dapat pang magpaliwanag sapagkat alam kong sinabi na ni Xander iyon sa kanya.
"Answer me!" muli niyang sigaw sa akin. Hindi naman kasi kailangang sumigaw. Malapit lang kaya kami. Kahit na sigurong ibulong niya 'yon sa akin, maririnig ko pa rin iyon. Tahimik naman dito sa mansion.
Napalunok lang ako bago pa man tuluyang nagsalita. "Sino ba namang hindi sumama sa kanya at sundin ang kanyang mga utos? Pinagbabantaan niya ako." paliwanag ko sa kanya. "At kailangan ko talagang sumunod sa kanya. Siya ang ama mo, ayaw kong masaktan na na naman niya ulit."
"Sinaktan ka niya?" hindi niya maka
