TULOY ang buhay para kina Frankie at Noah. Kung si Noah ay patuloy sa paghahanap ng hustisya at katarungan para sa mag-ina niya, si Frankie naman ay sinisikap na makapag move on at kalimutan na si Noah.
Isang linggo na ni Frankie sa bahay ng matalik na kaibigan at isang linggo na rin itong nagmumukmok lang sa guest room at kapag naalala na naman si Noah ay bigla nalang itong iiyak. Kahit anong gawin ni Zoe ay hindi niya talaga ito makumbinsi na lumabas ng kwarto.
“Bruha, kailan mo balak lumabas dito sa lungga mo? Tama na ang emote dyan. Ano yun? Dalawang linggo mo lang nakasama, isang linggo mo nang iniiyakan? Maghunos dili ka, girl. Hindi lang si Noah Samaniego ang may perfect ten noh. Gusto mo hanapan pa kita ng eleven at twelve? O baka gusto mo yong thirteen pa--- Yon bang sagad-sag
