MALALIM na bumuntong hininga si Zoe. “Some years ago. Noong nasa Amerika ka pa at iniwan mo ako--- Pero ayaw ko siyang pag-usapan. Halika lumabas tayo. Gusto mong magshopping? O kaya magpasalon nalang tayo. Ano, gora na?”
“Ayaw ko. Wala akong gana… Dito nalang ako.”
“Oh come on, Girl. Gusto mong pumangit sa kakaiyak? Tara na--- Huwag kang magmukmok na parang tanga. Sabi nga nila ang heartbreak ay dinadaanan lang at hindi dapat tambayan. Kaya halika na...” pamimilit ni Zoe.
Walang nagawa si Frankie kundi ang bumangon at mag-ayos ng sarili. Baka nga tama si Zoe. Kailangan niyang aliwin ang sarili at baka sakaling makalimutan niya rin si Noah.
Samantala, kung si Frankie ay iniiyakan ang naudlot nilang pag-iibigan ni Noah, si Noah naman ay mas lalong isinobsob ang sarili sa
