KINABUKASAN ay maghapon na hindi nagkita sina Frankie at Noah. Maagang pumunta sa bukid si Noah habang tulog pa Frankie. Nang magising naman si Frankie at wala na si Noah sa bahay ay nagpasya siyang magpasama sa dalagang apo ni Manang Dolores na si Fe na pumunta ng bayan. Inimbitahan kasi siya ni Lorita na pumunta sa ikalabing walong kaarawan ng anak nitong dalaga sa darating na sabado at gusto ni Frankie na bumili ng regalo at ilang personal na gamit para sa sarili katulad ng mga damit na kakailanganin niya sa dalawang linggo na pamamalagi niya sa farm. Nakakahiya naman kasi sa kapatid ni Noah kung puro damit nito ang gagamitin niya dahil ilang piraso lang naman ng damit,panty at bra ang nabili niya noong kasama niya si Kristen noong mamili sila sa bayan dahil hindi naman niya naisip na
