NATAWA nang mahina si Gia nang makita sa hawak na DSLR camera ang pictures nila ng barkada niya habang nakasakay sa bangka. Hindi sumama si Jeremy at nag-stay lang sa dock dahil nag-volunteer itong maging photographer nila.
Sa unang frame, nakaharap at nakangiti pa silang lahat sa camera. Nasa magkabilang-dulo sina Vincent at Aron na parehong naka-assign sa pagsasagwan. Nakaupo naman silang mga babae sa gitna. Napapagitnaan nina Gia at Maj si Wendy na pareho nilang iniingatan. Bago kasi sila sumakay sa bangka kanina, nasabi na ni Maj sa kanya na sinabi na raw dito ni Wendy ang kalagayan.
Masaya ako na nagkaayos na silang dalawa.
Sa pangalawang frame, makikita na nakangiti si Wendy habang shocked naman si Vincent.
Sa pangatlong frame, pumapalakpak na silang lahat habang tulala pa rin an
