"GIA, gusto mong mag-boating?" excited na tanong ni Aron nang sumabay sa paglalakad niya habang papunta siya sa dock ng ilog. Pareho mang tahimik, ramdam naman niya ang presensiya nina Vincent at Jeremy sa likuran. "I'm sure gusto mo. Wait, magre-rent kami ng bangka. Maiwan muna kayo ni Vincent dito sa dock at baka makilala siya nina Manong."
Bago pa makasagot si Gia, hinila na ni Aron si Jeremy na halatang nabigla sa nangyayari. Lumapit ang mga ito sa dalawang lalaki na mukhang nagpaparenta ng mga bangka.
Sina Gia at Vincent naman, naiwang nakatayo sa edge ng dock paharap sa ilog. Gaya ng madalas dahil pareho silang hindi puwedeng makilala ng mga tao sa magkaibang dahilan, nakasuot sila ng baseball cap (puti kay Gia at itim naman ang sa singer), at hoodie para panlaban sa malamig na pan
