"Nasaan si Angel?" tanong ni Jaidyleen nang si Misagh lang ang humarap sa kanya pagdating sa condo ng mga ito. Nasanay kasi siya na si Angel ang laging sumasalubong sa kanya kapag may klase sila. Minsan nga ay tinutukso na itong teacher's pet nina Misagh at Carlie dahil asikasong-asikaso siya nito kapag dumadating siya.
Nagkibit-balikat si Misagh. "I don't know, Teacher. Sabi po niya may pupuntahan lang siya."
"Hindi ba niya alam na may klase tayo ngayon?"
"He'll never forget it. Excited siya lagi kapag may English class. Kailangan daw mas magaling siya sa akin. I am still better than him, right, teacher? Mas guwapo pa." At saka nag-Mister Pogi pose ito saka binigyan siya ng nagpapa-cute na ngiti.
Kahit na malapit na magka-kaibigan ay hindi nagpapatalo ang mga ito pagdating sa paguwapu
