"Masakit ito. Sobrang sakit. Ngayon lang ako nagyaya ng date sa isang lalaki tapos di pa ako sinipot. Grabeng kahihiyan ito," mangiyak-ngiyak na sabi ni Emcel habang nakahilata sa soccer ball bean bag sa gilid ng Goal Sports Bar kung saan di sila pansinin ng mga tao.
"Ako nga di ko alam kung anong mukha ang ihaharap ko sa mga kamag-anak ko. Paano ipinagkalat na ng nanay ko sa buong angkan namin na makikipag-date ako sa isang guwapong football player," anang si Lime na humatak ng Kleenex mula sa kahon at humagulgol ng iyak. "I am cursed. Mamamatay ako sa kahihiyan."
"No. Ako ang isinumpa," usal ni Jaidyleenhabang nakasandig ang pisngi sa salamin ng low table at nakatitig sa kawalan. "Napakamalas ko."
Hindi siya makapagsalita kanina pa. Ni hindi niya magawang umiyak. Damang-dama niya ang
