CIRCE
Kinabukasan ay napagdesisyonan na namin ng iba ko pang mga kasamahan na sabihin na sa lahat ang nangyari at mangyayari pa. Kahit pa inunahan na kami nina Xheen at Ariadne sa pag-aanunsyo, mas maganda pa rin na mismong sa amin manggaling ang kung ano bang mayroon at ano bang mababago sa Academy. Lalo pa’t hindi naman nalinaw no’ng dalawa sa kung bakit ba nangyayari ang lahat ng ‘to, at may mga bagay na kami lang ang nakakaalam.
Tinulungan kami ng iba pa sa grupo nina Cosmo maliban kina Xheen at Ariadne sa pagtitipon sa mga estudyante para sa gagawin naming anunsyo. Si Denzell naman ay minabuti ko na na hindi pasamahin dahil abala ito sa pag-aayos ng mga dadalhin nila sa paglalakbay nila. Matapos kasi ang magaganap na anunsyo tungkol sa mga nangyayari sa Academy, ilalahad ko na rin
