"Asan sila Jeffrey?" Tanong ko sabay sulyap rito.
"Nandoon na sila. Kasama niya sila Nikko at Leiton."
Nabanggit na nito sa akin ang mga pangalan ng mga kaibigan nito pero hindi ko pa nakikita ang hitsura ng mga ito.
Tahimik akong nakamasid sa daan nang biglang nagsalita si Stanley.
"Sing! Sing!" I looked at the back seat and laughed.
Sinulyapan rin ito ni Leo mula sa rearview mirror.
"Pinapakanta ka niya?" Tanong nito.
Umiiling ako habang tumatawa.
"He wants to sing. Naging bonding namin ‘yan kada bisita ko. Tinuruan ko siyang kumanta. Wait... Listen to this." Kinuha ko ang cellphone ko at binuksan ang isang music app. Pagkatapos ay hinanap ko ang kanta ni Jonas Blue na Rise.
"Nag-practice ka ba noong wala ako?" Tanong ko kay Stanley habang nakatingin sa cellphone.
“Yes, I did."
