"NO!" Sabay na nilingon nila ni Mamsh Claire ang nagbalik sa kuwartong 'yon na si Stefano.
Mangha na napamulagat si Yana kay Stefano-- hindi niya man lang narinig ang gulong ng wheelchair nito, gano'n na ba siya katakot nang makita niya ang kalahati ng mukha nito? Grabe. Kung gano'n pala ay dapat na aralin niya na huwag maapektuhan kung gusto niyang magtagal siya sa trabahong 'to.
Nang malingunan 'to ni Yana, nagyuko kaagad siya ng ulo. Hindi niya kayang salubungin ang titig nito. Hindi niya kaya na hindi kaawaan ang anak ng bilyonaryo. Speaking of, 'yon nga ang unang pumasok sa isip niya-- mayaman naman 'to at siguradong may means at pera para makapagpa-opera, bakit hindi nito ginawa? Kaso nga ay hindi pa man nagsasalita si Mamsh Claire ay nagbalik na 'to at may pag- no.
"Stefano--"
