Chapter 89
Hunter's POV
Hindi ko na naramdaman pa ang paglipas ng bawat oras at araw nang nandito lamang ako sa loob ng Alucard. Haggang sa dumating na nga ang oras na kailangan ko nang ibalik si mama sa mundo ng mga mortal upang doon ay mabigyan siya ng maayos na libing. Ngunit kahit na nasa loob ako ng Alucard ay wala namang ibang naging laman ang isip ko kundi si Britney.
Sa bawat reaper na darating sa palasyo upang mag-report sa Alpha tungkol sa ginagawa nilang paghahanap sa mga Alegre ay umaasa ako na hindi pa nila sila nahahanap. Gusto ko rin naman na mahanap nila si Tito Jom pero sana ay hindi pa ngayon dahil wa pa naman akong hawak na ebidensya. Kung mahanap man nila si Tito Jom, sana ay sa oras na kaya ko nang ipawalang sala si Britney.
Alam ko naman na maiintindihan ni mama a
