LINDSAY
“Bhe, nandiyan pa rin iyong mga reporters. Anoʼng gagawin natin?” ngumingiwing saad ni Ella. Ka-text niya si Emily. Pati si Mama at papa ay hindi rin malalabas ng silid dahil baka dumugin ng mga reporters.
Napahilot ako ngayon sa aking sentido. Hindi ako mapakali. Palakad - lakad ako sa loob. Okay naman ako. Hindi na ako nahihilo. Kailangan may gawin akong paraan para makalabas sa silid na ito. Hindi puwede na hindi ko makikita ang asawa ko, si Vincent.
“Bhe, wala ka bang balita tungkol kay Vincent?” puno ng pag-aalala kong tanong. Kinurot-kurot ko lang ang aking mga daliri dahil sa naiinip na ako. Kailan ba aalis ang mga medya na iyan?
“Bakit anak? Bakit kailangan mo pang makita ang lalaking iyon? Hindi pa ba sapat ang ginawang pagdukot sa iyo? Isa siyang criminal! Pasalamat
