HINIHINGAL na napabalikwas si Zasha dahil sa isang panaginip. Nanginginig na bigla niyang iginala ang paningin.
Nagtaka pa siya at nasa ibabaw na siya ng kama. Samantalang natatandaan niyang natulog siya sa sofa. Nagmamadali niyang pinunasan ang luha sa kanyang mga mata at kaagad bumaba sa kama.
Nangangatal ang katawang tinungo niya ang pinto. Ngunit lalo lang siyang napaiyak at talagang naka-lock iyon. Galit na galit siyang sumigaw at pinaghahampas ang pinto. Sa isiping magkakatotoo ang kanyang panaginip, hindi niya matatanggap!
"P-palabasin niyo ko rito! Maawa na kayo sa akin! Gusto ko nang umuwi! A-ang itay ko! Kailangan ko siyang makita! K-kailangan ko siyang iligtas!"
Hanggang sa napahagulhol na siya. Galit na sinipa niya ang pinto, ngunit siya lang din ang nasaktan. "Ano bang
