"UMALIS ka na!"
Bumagsak ang luha sa mga mata ni Zasha habang pinagmamasdan si Henri na nahihirapan. 'Di niya ito magawang iwanan!
Sa dalawang hita nito ang tama - iyon ang dahilan kung bakit hindi na ito makatayo ng maayos.
Umiling-iling si Zasha.
Nahirapang lumunok. Kahit naman hindi niya ito kaano-ano, nananaig sa kanya ang awa para sa lalaki lalo na't binuwis nito ang buhay para sa kanya.
Kung hindi dahil sa kanya, tiyak na hindi ito mapapabilang sa kalagayan nito ngayon. Napahamak lamang ito dahil sa kagustuhan nitong iligtas ang kanyang buhay at dahil na rin sa katapatan nito sa kanyang amo.
"H-hindi kita --"
Napahinto si Zasha nang bigla itong mapamura. Hanggang sa seryoso siya nitong tinitigan.
"Hindi rin ako mabubuhay kung mapapahamak ka! Dahil mapapatay ako ng amo
