NAKAHINGA ng maluwag si Riri nang marinig niyang inilipat na sa private room si Stranger. Ligtas na raw ito mula sa panganib. Pero hindi masabi ng mga doktor kung kailan ito magigising. Dahil sa malala nitong head injury, nasa coma ang binata ngayon.
Sa ngayon, wala siyang ibang magawa kundi ang magdasal sa chapel na 'yon. Hindi pa niya kayang bisitahin si Stranger dahil siguradong mag-be-breakdown siya kapag nakita niya ang mga aparatong nakakabit sa katawan nito.
Please. Save him.
"Hey."
Nalingunan ni Riri si Thunder na umupo sa tabi niya sa pew na nasa dulong bahagi ng chapel na 'yon. "Hey."
Tinitigan ni Thunder ang mukha niya. "Totoo nga ang sinabi ni Tita Ria. Umuwi ka nga kagabi pero hindi ka naman natulog. Pagkatapos, ang aga mo pa raw umalis kanina para mabisita si Stranger. I
