NAPASINGHAP na lang si Riri nang tumumba si Thunder sa kalsada matapos itong sikmuraan ni Ronaldo. Gusto sana niyang tulungan ang kaibigan niya, pero mahigpit na hinawakan siya ng matandang lalaki sa braso at kinaladkad papunta sa isang puting van. "Bitawan mo nga ako!"
"Sumama ka na lang ng tahimik," iritadong sabi ni Ronaldo. "Kahit magsisisigaw ka, hindi darating ang mga bodyguard mo. Inaasikaso na sila ng mga kasamahan ko."
Kidnap for ransom ba ang dahilan kung bakit gusto siyang dukutin ng lalaking ito? Hindi niya maintindihan. Bakit naman siya dudukutin ng tiyuhin ni Stranger?
"Bitawan mo si Riri!"
Nagulat si Riri nang bigla na lang lumabas mula sa likuran ng iba't ibang sasakyan sina Kuya M, Ate J, Sir Indigo (na ikinagulat niya), at ang iba pa niyang mga bodyguard. Napamura nam
