ANGEL
"Ang lakas kasi ng ulan kaya nagpatila muna ako." sagot ko naman sa kanya.
"Naku, iligo muna yan para hindi ka magkasakit. Pag tapos mong maligo ay lumabas kayo dito at may pag uusapan tayong apata." sabi sa amin ni Tina.
Nagmadali na akong naligo at hindi ako nagtagal. Pagkatapos kong tuyuin ang buhok ko ay lumabas na ako ng kwarto. Inabutan ko si Tina, Anew at Lorelai na nasa sala at hinihintay ako.
"Anong meron?" bungad ko agad sa kanila.
"Nakausap ko na si Lorelai at Anew, ikaw na lang ang hindi pa at tingin ko ikaw ang pinaka apektado dito." sabi ni Tina.
"Bakit di mo pa sabihin para alam ko na?"
"Nagkabalikan na kami ni Harold at gusto niya na bumalik na ako ng Maynila. Sasama ka ba pabalik o maiiwan ka dito?" sabi niya.
"Kailan ba ang balak niyong umalis, hindi naman
