Starcrossed Lovers

Chapter 40: Suspension

Habang nakahiga si Stephanie sa isang kama sa kwarto ng clinic, ay nandoon si Daniel na nag-babantay sa kaniya habang sina Chloe at Joshua naman ay nasa kani-kanila ng klase. Maya-maya pa ay nagising na si Stephanie, unti-unti niyang iminulat ang kaniyang mga mata at nakita niya si Daniel na nakaupo sa tabi niya.

“N-nasaan ako?” tanong ni Stephanie ng makita niyang nasa isa siyang kwarto

“Nasa clinic ng school Stephanie, nahimatay ka na lang bigla kanina. Are you okay now? Tawagin ko ang nurse, wait. Diyan ka lang,” tugon ni Daniel sa kaibigan at agad na lumabas ito para tawagin ang nurse.

Sinubukan ni Stephanie na bumangon ngunit hinang-hina pa rin ito sa nangyari sa kaniya. At maya-maya ay biglang bumalik na si Daniel kasama ang nurse. At habang inaasikaso na ng nurse ay kinausap ito ni Daniel, “Nurse do you think she’s okay?” tanong nito

“Okay naman siya, siguro sa pagod kaya siya nag-kaganyan,” tugon ng nurse kay Daniel. “Miss, kung hindi mo pa kaya bumangon, wag mo muna pilitin ang sarili mo. Okay lang na mag-absent ka sa class mo, nag-update na ako sa teacher niyo about dito kasama ang kaibigan mo. Kaya don’t worry,” pahayag muli ng nurse kay Stephanie

“S-salamat po maam,” tugon naman ni Stephanie sa nurse.

“Sige uuna na ako, bantayan mo na lang muna ang kaibigan mo,” pahayag muli ng nurse sa dalawa ni Stephanie at Daniel

“Sige po nurse, Thank you,” tugon ni Daniel

At umalis na ang nurse sa kwarto nila, “Ano ba kasi nangyari sayo a while ago, bigla ka nalang nahimatay, wala ka bang naramdaman or anything?” tanong ni Daniel sa kaibigang si Stephanie,

“Wala akong matandaan Daniel, nagulat nalang ako na para akong nahihilo tapos noong nahimatay ako, ‘di ko na tanda yun,” tugon ni Stephanie sa kaibigan,

“Buti nasalo kita, siguro kung hindi ako napatingin sayo kanina habang nag-uusap-usap tayo about kayna Sydney siguro natumba ka at nabagok ang ulo mo,” pahayag muli ni Daniel

“Si Sydney? Nakita ba nila ang pangyayaring iyon?” tanong agad ni Stephanie kay Daniel

“Hindi, Bakit? Ayaw mo bang malaman nila at bawal ba ipaalam sa matrona niyo?” tugon ni Daniel

“Hindi pwedeng malaman ng matrona ang nangyari sa akin, baka kung anong isipin niyo o kung anong gawin niya lalo na’t alam niya na wala akong emosyon di ba? baka ipatingin ako noon sa espesyalista,” saad naman ni Stephanie kay Daniel.

“Okay, gets. Hindi naman siguro nila nakita, kasi before na mahimatay ka kabababa pa lang nila sa kotse nila,” pahayag naman ni Daniel

“Mabuti naman kung ganoon,” tugon muli ni Stephanie.

Nang matapos ang klase nina Chloe at Joshua ay tatakbo na si Chloe pababa ng hagdan para puntahan ang kaibigan, “Chloe! bagalan mo naman, ganoon na ba kalala ang nangyari kay Stephanie para maging ganiyan ka?” tanong ni Joshua

Lumingon si Chloe sa kaibigang si Joshua, at sinamaan nito ng tingin. “Alam mo puro ka reklamo, kung bilisan mo nalang kaya no,” tugon ni Chloe

Habang nag-mamadali ang dalawang pumunta ng clinic ay napansin sila ni Sydney sa may lobby, “Pasaan kaya ang dalawang yun? nakakapagtaka at hindi nila kasama ang dalawa ni Daniel at Stephanie,” pahayag ni Sydney sa kaniyang isip,

“Girls, let’s go, come with me,” pahayag ni Sydney sa mga kibigan,

“Why? Pasaan tayo?” tanong ni Sofia sa kibigan

“Basta, sundin niyo nalang sinabi ko,” tugon ni Sydney

Habang nag-lalakad sina Joshua at Chloe ay hindi nila alam na nakasunod muli sa kanila sina Sydney kasama ang mga kaibigan nito. Nang makapasok ang dalawa ni Joshua at Chloe sa clinic ay nag-taka si Sydney, “Girl, ano tinitingnan mo diyan?” tanong ni Gabriella kay Sydney,

“Si Joshua at Chloe, nag-enter sila sa clinic,” tugon ni Sydney sa kaibigan

“Baka kukuha lang sila ng gamot,” pahayag naman ni Sofia,

“I don’t think so, tara puntahan natin,” tugon ni Sydney sa mga kaibigan

Nag-lakad sila patungo sa clinic para tingnan kung anong gagawin nina Joshua at Chloe doon, at nang makapasok sila sa clinic ay nakita nila ang dalawa na kausap ang nurse. “Hey Chloe, anong ginagawa niyo dito?” tanong ni Sydney

Nagulat si Joshua at Chloe sa narinig nilang pamilyar na boses, at lumingon agad si Chloe “Ah, ehh” pag-kakasabi ni Chloe habang nag-iisip ng dahilan.

Agad namang lumingon si Joshua ng makaisip siya ng palusot, “Kukuha kami ng gamot dahil ni Chloe, masama ang pakiramdam niya, kayo? Anong ginagawa niyo dito?” tugon ni Joshua kayna Sydney

“Nothing, were just checking something,” tugon ni Sydney sa tanong ni Joshua

“Checking o baka sinusundan niyo na naman kami? Hindi ka ba titigil? Atsaka nakita mo ba si Daniel na kasama namin para sundan mo kami ha?” saad muli ni Joshua kayna si Sydney

“Wow, feeling,” pahayag ni Sydney “Let’s go girls, baka kung ano pa magawa ko dito sa dalawang ‘to,” pag-aya ni Sydney sa kaniyang mga kaibigan,

“Husto sa dada hindi naman ginagawa, Hahahaha,” pabulong ni Chloe

“Anong sabi mooo?!” sigaw ni Sydney at agad na binalak kalabanin si Chloe,

Nang makita iyong ng nurse ay agad itong tumayo, “Gawin mo ang balak mong gawin miss! Give me your ID! Now!” sigaw ng nurse ng makita ang binabalak gawin ni Sydney,

“Ah miss, that’s not what you think,” tugon ni Sydney ng matakot sa nurse,

“Now or else, pati narin ‘yang sa mga kasama mo,” pahayag muli ng nurse

Agad na ibinigay ng mag-kakaibigan ang kani-kanilang mga ID ng matakot ang mga ito sa nurse na nakasaksi sa gagawin ni Sydney kayna Chloe. At agad na pinaalis na ng nurse ang mag-kakaibigan nina Sydney, “Now, you may get out,” pahayag ng nurse

Hindi na nakapag-salit si Sydney at agad na rin silang lumabas ng sinabi ng nurse iyon. Papalabas pa lang ng clinic ay namomroblema na ang mga kaibigan ni Sydney, “Anong gagawin na natin ngayon? paano nalang kung ireport tayo sa guidance tungkol dito?” pahayag ni Sofia,

“Kasalanan mo ito si Sydney, lalabanan mo pa kasi,” saad naman ni Gabriella

“Bakit ako? Eh hindi naman ako ang nag-start ng away. Hayaan niyo, I’ll talk to my dad about this,” tugon ni Sydney sa mga kaibigan,

“Siguraduhin mo lang Sydney, kasi kung masuspend kami baka hindi ka na naming samahan after, nakakapagod ka masyado,” tugon ni Gabriella kay Sydney, at agad na umalis ito at iniwan ang dalawa ni Sydney at Sofia

“Sorry pero kailangan ko siyang sundan,” pahayag naman ni Sofia kay Sydney at hinabol si Gabriella.

Napaupo si Sydney ng iniwan siya ng kaniyang mag kaibigan dahil sa nangyari, ng maisip niyang muli ang mag-kakaibigan nina Stephanie, “Dahil sa inyo, Dahil sa inyo ito,” pabulong nito sa kaniyang isip, siya’y sumigaw at nag-dabog. “AHHHH!”

Nang lumabas na sina Sydney ay agad nitong kinausap ang nurse, “Salamat po ah?” pahayag nito

“Ano ba kayo, wala iyon. Ayoko ng ganoong pag-uugali lalo na dito sa opisina namin. Oo nga pala, ano ba dapat ang itatanong niyo kanina?” tugon ng nurse kayna Chloe

“Ah eh, tanong lang po sana namin saan po nakapwesto si Stephanie Mendez?” tanong ni Chloe sa nurse,

“Ah, iyong nahimatay kanina? Nandoon siya sa room 3, siya ba yung may kasamang kaibigan na lalaki na nag-babantay sa kaniya?” tugon ng nurse kayna Chloe

“Sige po! Thank you,” saad naman ni Chloe at agad na nagpunta doon sa kwarto,

“Salamat po ah,” pahayag naman ni Joshua sa nurse.

Kumatok si Chloe sa at dahan-dahan niyang binuksan iyon, nang makita niya si Daniel ay agad na binuksan ng buo ang pinto at nag-tatakbo sa mga kaibigan, “Oh? Bakit tatakbo ka na?” tanong ni Stephanie sa kaibigan,

“Naku, ang daming nangyari kanina bago kami makapasok dito,” pahayag ni Joshua ng makapasok ng kwarto at sinarhan ng pinto.

“Bakit? Ano nangyari?” tanong ni Daniel sa mga kaibigan,

“Alam niyo ba, sinundan kami nina Sydney dito sa clinic, buti nalang nakaisip ng dahilan si Joshua noong hindi ako makasagot. Ayun, balak akong resbakan, kaso nakita sila ng nurse kinuha ang mga ID nila. Hahahaha,” kwento ni Chloe sa mga kaibigan,

“Kinuhanan sina Sydney ng ID ng nurse?” tanong muli ni Daniel

“Oo, Hahaha. Edi yun, posible na mapaguidance sila,” saad muli ni Joshua sa mga kaibigan.

“Good news yan ah,” pahayag ni Daniel.

Napansin ni Chloe na hindi naimik si Stephanie at malalim ang iniisip, “Ahm Stephanie? Hindi ka ba masaya?” tanong ni Chloe sa kaibigan,

“Hindi ko alam, hindi niyo ba naisip na posibleng may gawin si Sydney lalo na’t nangyari ito? Palala pa naman yun ng palala,” pahayag ni Stephanie sa mga kaibigan,

Napaisip naman si Joshua sa sinabi ni Stephanie, “Oo nga no, sabagay may punto ka doon Stephanie. Kailangan pala mas mag-ingat tayo ngayon,” saad naman ni Joshua

“Oo kailangan talaga,” tugon ni Chloe

Nag-tungo si Sydney sa lobby at tinawagan ang kanilang driver, “Kuya? Pumunta ka dito sa school, mag-commute ka kasi dala ko ang sasakyan,” pahayag ni Sydney

“Okay po maam, papunta na po,” tugon ng driver kay Sydney, at agad namang pinag-babaan ni Sydney ng isagot iyon sa kaniya dahil sa galit nag alit ito.

Habang nag-hihintay ito sa lobby kung saan may upuan at nakaupo siya doon, ay nakita niya sina Gabriella at Sofia na nag-lalakad ngunit hindi ito pinansin. Nginitian lamang siya ni Sofia at nag-lakad na din ito muli.

Maya-maya pa lamang ay nakita na ni Sydney ang kanilang driver, “Kuya, nasa bahay ba sila mom?” tanong agad nito

“Wala po maam, nasa trabaho po,” tugon ng driver,

“Sige, ito ang susi kuya, uuwi na tayo,” pahayag ni Sydney nang maibigay nito ang susi sa driver, at nag-tungo agad sila sa parking lot,

Habang patungo si Sydney kasama ang driver sa parking lot, ay hindi nito alam na pinagmamasdan sila nina Gabriella at Sofia, “Hindi mo na ba talaga papansinin? Kawawa naman si Sydney oh,” pahayag ni Sofia sa kaibigan,

“Naaawa ka diyan? Wala ngang puso yan eh, sarili lang iniisip hindi niya tayo iniisip, basta basta nalang siya gagawa ng gulo,” tugon ni Gabriella kay Sofia,

“Sabagay, hay,” saad naman muli ni Sofia

“Tingnan natin kung anong sunod niyang gagawin, baka mas malala pa doon,” pahayag naman ni Gabriella.

Nakasakay na si Sydney sa kanilang sasakyan habang si Gabriella ay masama ang tingin dito. Maya-maya habang nasa byahe si Sydney ay naisipan nitong mag-punta muna sa mall upang malibang ang kaniyang sarili, “Kuya, sa mall muna tayo,” pahayag nito sa driver,

“Okay po maam,” tugon naman ng driver,

At nag-tungo sila sa mall, nang nakaparada na ang sasakyan nila “Kuya dito ka muna, mabilis lang ako. May bibilhin lang,” pahayag nito sa driver.

Tumango naman ang driver. Kayat nag-tungo agad si Sydney sa loob ng mall at nag-tungo sa starbucks para bumili ng kape. Nang makabili na ito ng kape ay nakita nito si Daniel na nasa bilihan ng kwintas, kaya’t pinuntahan nito iyon.

“Is that for me? Nag-sisisi ka na no?” tanong ni Sydney kay Daniel

“Anong sinasabi mo diyan? Hindi ito para sayo no, at tsaka close ba tayo?” tugon naman ni Daniel kay Sydney.

“Suplado naman nito,” pahayag naman muli ni Sydney

Nakakita ng magandang kwintas si Daniel, “Miss, patingin nga nito,” at kinuha ng sales lady ang kwintas na nagustuhan ni Daniel at ibinigay dito, “Maganda ba miss?” tanong ni Daniel sa sales lady,

“Opo Sir, para sa kaniya po ba?” tinuro ng sales lady si Sydney

Napangiti naman si Sydney, ngunit sumagot si Daniel. “Hindi miss, may pag-bibigyan lang akong pinakamahalaga sa buhay ko. Birthday kasi niya eh,” tugon ni Daniel sa sales lady. “Kunin ko na,” pahayag ni Daniel

“Ikaw? Hindi ka pa ba aalis? Bantay na bantay ka dyan e hindi naman kita kilala,” tanong ni Daniel kay Sydney,

“Eto aalis na,” tugon naman ni Sydney kay Daniel

Lumabas si Sydney sa stall kung saan nandoon si Daniel ng biglang tumawag sa kaniya ang kaniyang ama at sinagot naman nito agad ang telepono. “Sydney?! Go home! We need to talk! Sinasabi ko sayo ah, wag na wag kang gagawa ng katarantaduhan,” sigaw ng kaniyang ama

“Yes dad,” tugon naman nito.

Nang makabili si Sydney ng kape niya sa starbucks ay agad na itong nag-tungo sa kanilang sasakyan kung saan nandoon ang kanilang driver. Umuwi na ito ng tila kinakabahan dahil sa sinabi sa kaniyang ama sa telepono.