الفصل الثالث (١)

1542 Words

الفصل الثالث من "" ما وراء ابواب القصور _ضحيه اخي "" و جاء الصباح و فتحت سلمي غرفتها فتفاجئت بما تري فهذا لقد جن كيف يفعل هذا انها فتاه موجوده فاغلقت عينيها و فتحتها مره اخري فظنت انها بحلم ما او انها لا تري و لقت انها ليست في حلم فانها وجدت فارس بالحديقه الخلفيه التي تطل عليها غرف زينب و قد علمت ان ذالك الركن من القصر به غرف زينب و فارس و فرحه لذالك ياخذ فارس راحته حيث وجدته عاري الص*ر و يرتدي بنطال رياضي و يلعب ضغط و بعض التمارين الرياضيه فسرحت في جسمه الرياضي و كانت تنظر من خلف الستار حتي لايراها و لكنه لاحظ خيال ففهم ان هناك احد ما يراقبه فعلم انها ليست اخته زينب لانها لا تراقبه بالطبع فعلم انها من الممكن ان تكون سلمي فانه اخذ راحته و نسي انها هنا اصلا و لكنه اكمل تمارينه عادي (و عمل نفسه من بنها) و كانت سلمي تقف و لا تعلم انه انتبه زينب من الخلف: ايه بتراقبي الواد قدامي طيب من ورايا معندكيش اخوات شباب خافي علي شباب الناس سلمي بتوتر: لا والله يا زينب انا كنت ببص عادي زي ما انتي فاهمه بحب اقوم اشم هواء الصبح زينب: انا بهزر متوتره ليه كده سلمي: لا عادي و فتحت زينب الستاره علي فجاه و شاورت لاخيها حتي يراها و لكن هو كان مندمج في تمرينه لم يلاحظها فاول ما فعلت ذالك ذهبت سلمي للداخل مره اخري لانها كانت ب*عرها زينب:سوري مش قصدي اصلي واخذه علي كده مركزتش انك مش لابسه الحجاب علي العموم هو بيلعب مش مركز و مشافش حاجه سلمي: طيب زينب:اخويا فارس هي دي عادته لازم يدرب الصبح كل يوم و يعمل تمارين سلمي : اها زينب: مقولتليش يعني انتي وافقتي وله لا سلمي:انا بصراحه مش موافقه زينب : سلمي ليه بس والله اخويا فارس بجد اي واحده تتمناه طب ياريت كان ينفعلي سلمي: بصي اخوكي اصلا طول عمره مش بيطقني خالص و لا كان بيفتح معايا حوار منين بقا تطلع في دماغه انه يطلبني اصل يعني هو ميعرفنيش اوي علشان اجي في باله يعنى بقاله ٤ سنين مشفنيش ازاي بقا يطلبني اعقليها انتي زينب:هي غريبه بس ايه المشكله الحب سلمي بثقه:اكيد عمي هو اللي عايز كده و انا متجوزش واحد مغصوب عليا حب ايه و زفت ايه بقولك كان زمان بيسلم عليا وهو مش طايق نفسه اصلا زينب : مممممم بس اخويا مش بيعمل حاجه غير و هو مقتنع بيها و بابا عمره ما غصب عليه حاجه و مفيش حد يقدر يغصب حد علي الجواز سلمي:و كمان انا موافقش اتجوز واحد معرفش طلق مراته الاولي ليه زينب: ايه اللي يخصك في مراته الاولي سلمي :من حقي اعرف زينب:مممم و انتي هتفضلي قاعده هنا سلمي: اومال اروح فين زينب:اخويا اجازه كام يوم و المفروض انك جايه تتعرفي عليه مش تنامي في حضني انا سلمي : يعني اروح اتعرف عليه اقوله ايه انتي هبله زينب: اومال الحلوه جايه الصعيد ليه اصلا سلمي بتلقائيه: علشان اتعامل معاه و ادي رايي لعمي زينب: اومال انا كنت بقول ايه من الصبح قولتي ايه مختلف عني ما هو هو الكلام سلمي: طب المفروض اهبب ايه انا زمان كنت بخاف اتكلم معاه اصلا زينب بخبث: هو اخويا عصبي و بيغضب و غضبه وحش و مممم ممكن يمد ايده ... قاطعتها سلمي:اومال ايه اللي حلو فيه بعد كل ده ده و كان فيه احتمال صفر في الميه اوافق انتي دخلتينا في السوالب زينب: اخويا حنين جدا بس مبيحبش الشخص المستفز و بيستحمل الكل و بيحب الكل سلمي في نفسها: ده انا هستفز اهله للصبح جه في ملعبي بقا انا اتهرب بحجه اني تعبانه من امبارح و خليني قاعده هنا زينب: و علي فكره امبارح هو اللي جابلك العلاج و كان باين الخوف عليه اوي سلمي :اها عادي بنت عمه و لازم يخاف عليا مش لازم تفسيريها بطريقه تانيه دماغك شمال ليه زينب:و لا تانيه و لا تالته بس ديه اول مره تبقي يمين والله انتي عارفه ابويا يعني هيخليكم تروحوا لمكان اكيد سلمي: ربنا يسترها و ذهبت و اخذت دوش و ارتدت بنطلون حرير واسع لونه اسود و ارتدت كنزه نبيتي و تركت شعرها علي ظهرها زينب: انتي مش نازله؟ سلمي: قوليلهم انا لسه تعبانه و خلاص يا زينب زينب : اكدب يعني اخلاقي متسحمليش سلمي: اه معلش زينب : لو مكنش قلبي طيب و بحبك و نزلت زينب و تركت سلمي لوحدها _______________ و نزلت زينب الي الاسفل و قابلت فارس فسألها عن سلمي فقالت له انها مريضه من الامس و لن تنزل ______________ عند سلمي و بعد فتره جائت نجيه و فتحت الباب نجيه:صباح الخير علي ست البنته سلمي بخجل : اتفضلي يا ستو نجيه: قمر يا حبيبتي شعرك حلو سلمي : شكرا يا ستو نجيه:عروستنا لسه تعبانه عاد سلمي في نفسها: اوف بطلوا تقولوا عروستنا سلمي:لسه شويه يا ستو نجيه: متزعليش من اللي حصل هتلاقي حد حابب يهزر سلمي:الهزار في المرض يعني نجيه:معلش يا بتي امسحيها فيا انا اسفه سلمي:خلاص محصلش حاجه متتاسفيش خلاص حصل خير نجيه:مقولتليش يا بتي انتي وافقتي علي جوازك من فارس سلمي:لا انا لسه معرفش طباعه و بعدين انا معرفش طلق ليه المره الاولي ثانيا انا معرفش اتجوز و افرح و امي مش موجوده اينعم ده لو قولت عليها ام بس شكليا و كمان اخويا مسافر اظن كل الاسباب دي كفايا؟! نجيه: أولا ممكن تسالي العريس بنفسك ليه طلق و ده من حقك تعرفي كل حاجه و طول ما انتي قاعده فوق في الاوضه هيطلع يتعرف عليكي فوق يعني يا بتي ثانيا من ميته و انتي بتهتمي برأي امك اللي سابتك من و انتي ١٤ سنه و بتتصل كل كام شهر مره و اخوكي معاذ لو قلنا ليه اكيد هيجي سلمي بسرحان: انا مشاكلي اكبر من كده بكتير نجيه:احكيلي يا بنتي ايه اللي فيكي و محدش هيخاف عليكي و يساعدك قدي انتي بنت الغالي اكبر غلطه عملتها في حياتي ان سبت ابني يسافر و يكمل حياته بره و سبني و انا مش ناويه اكرر الغلطه ديه و تبعدي عني انا بحس اني شيفاكي كاني شيفاه بالظبط سلمي : هو لازم اتجوز يعني علشان افضل هنا ما انا ممكن افضل هنا من غير جواز نجيه: ليه يعني لو متجوزتيش فارس مهتتجوزيش تاني واصل ليه هتترهبني اياك يا بنتي مصير البنته كلهم يتجوزوا و يتستروا و كمان منفسكيش تجيبي عيل تلعبي بيه شويه سلمي: اكيد نفسي يا ستو بس فارس طول عمره اخويا الكبير و عمره ما عجبته تصرفاتي و لا حياتي و كان شيفنى عيله اشمعنا بعد ما اتجوز و طلق فكر يطلبني يعني مش شايفه انها غريبه شويه. نجيه:والله اللي انا اعرفه انك بنت عمه وهو اولي بيكي من الغريب و لما تتجوزي هتفضلي وسطينا اهنه في القصر اللي اتربي فيه ابوكي و عمك و ان شاء الله عيالك يتربوا اهنه فكري اوعديني تفكري سلمي بتوتر: هفكر يا ستو اوعدك علشان خاطرك نجيه:طيب يا بتي ربنا يريح قلبك دايما ياله انزلي معايا قعدتك في الاوضه ديه هتمرضك اكتر سلمي: استني البس طرحتي و هاجي نجيه: ملهاش لزمه فارس في المضيفه مع صاحبه و هيفضل هناك طول اليوم و عبد الرحمن في الشغل سلمي:طيب و نزلت سلمي فانبهر الجميع ب*عرها الاشقر الطبيعي فهناك من كان اول مره يراها و هناك النساء من يحسدوا من سيكون زوجها و هناك من يحسدوها علي فارس و لكن لا احد يعلم ما بداخلها او وجعها ورده نفسها انبهرت بشكل شعرها فلقد طول عن زمان اكثر و اكثر و شعرت بالحقد من جمالها ورده:اهلا يا سلمي سلمي: اهلا بيكي سهير بابتسامه صفرا : نورتي يا عروسه سلمي في نفسها: عروسه عروسه عروسه الشوم و الندامه فعلا سلمي: ده نورك يا طنط سهير فرحه فكانت ترتدي نظاراتها الطبيه و تعمل شيئا ما علي اللاب الخاص بها نجيه:ايه يا بنتي اقعدي معانا بتعملي ايه فرحه:و لا حاجه يا ستو بخلص بعض الفحوصات الخاصه بتربه المزرعه نجيه:ربنا معاكي فرحه:تسلمي يا قلبي و اكملوا حديثهم __________ و في نهايه اليوم جلس فارس مع والده و اخوه سليمان:هو انت مقعدتش مع البت النهارده فارس بتلقائيه: بت مين سليمان بدهشه : البت بنت عمك سلمي هو انا كنت بتكلم مع نفسي فارس:معلش مكنتش مركز يا بابا قبل ما جمال يجي سالت زينب عليها قالت لسه تعبانه و محبتش اضغط عليها بقا علشان متبقاش رخامه نسيبها براحتها مدام تعبانه فارس في نفسه:هيييييح بقا خلصنا من اول يوم بسلام و خلصانه بشياكه سليمان:انا هتكلم معاها الصبح فارس متصنع البرائه : سيبها يا بابا براحتها علشان متحسش اننا بنغصبها علي حاجه عبد الرحمن يهمس لفارس: لا برئ يا واد هعيط منك فارس:سبني بقا علشان اطفشها هي ناقصه واحده تاني و خناقات و انا كمان كنت بحب ريتال و كنت كل يوم بتخانق معاها اومال ست سلمي كمان هعمل معاها ايه سليمان: بتتوشوشوا في ايه انت و هو عاد فارس:ابدا بقوله يعني الواحد نفسه يفرح الواحد من موت اخويا مفرحش ربنا يرحمه سليمان:يارب يرحمه و يسامحه و يغفرله ذنوبه . انا بكرا هشوفها و اعرف رايها مش هننتظر ميت سنه عقبال ما تقول رايها فارس: سيبها براحتها يا بابا يعني مش هنغصب عليها علشان متحسس اننا بنضغط عليها ليه الاستعجال سليمان: اقسم بالله ياواد انت مش مرتحلك انت الموضوع اصله ان هي متقولش رايها داخل نفوخك ده انا اللي عارف دماغك المهببه ده اتلحلح ياض شويه اشمعنا دي انت بارد يعني فارس بغيظ :يوه يا بابا يعني اروح ادخل عليها دلوقتي مش فاهم يعني اتلحلح اعمل ايه يعني سليمان بضحكه : ياريت يا ولدي ههههههه اما عبد الرحمن مات من الضحك علي شكل اخوه فارس: انا ورايا مأموريه بعد يومين في القاهره يعني مش فاضيلها المفروض بقا تقولك اذا كانت موافقه وله لا سليمان : و لما انت تروح ماموريه انا جايبها هنا علشان ايه مش علشان تتكلموا سوا و نعرف رايها فارس : حاضر يا بابا هشوف ...

Free reading for new users

Scan code to download app

App Store Google Play

Facebookexpand_more