ISANG Linggo na ang nakalipas mula noong nagkausap kami ni Beckett at sa loob ng isang Lingo na iyon ay iniiwasan ko si Martin. Kahit alam kong wala naman kaming ginagawang masama ni Martin ay sinusunod ko na lang ang gusto ni Beckett para walang problema.
Kasalukuyan kaming nasa conference room dahil nagkaroon ng emergency meeting ang board members kasi namatay daw ang isa sa mga boad member. Nakapalibot sa bilog na lamesa ang anim na board member, kasama na ang Chairman ng kumpanya.
"Nasisiguro kong hindi aksidente ang pagkamatay ni Bustabo," sabi ng isa sa mga matandang board member na si Faustino.
Buti na lang talaga inaral ko at kinilala ko ang mga board member, kaya kilala ko silang lahat.
"Nasisiguro ko rin," segunda ni Wancho.
"Hindi kaya pakana ito ng Lanchestra Familia? Ang
