AYAW ko sanang pumasok sa trabaho dahil ayokong makita si Beckett dahil dinadamdam ko pa rin iyung mga sinabi niya sa akin. Pero kung hindi naman ako papasok iisipin ni Beckett na totoo nga ang mga binitawan niyang salita sa akin. Bukod 'dun, ayoko naman matawag na unprofessional dahil lang dun.
Pero mas maaga akong nag-asikaso ngayon dahil ayokong sunduin pa ako. Hindi ko kailangan nun.
Dahil tulog pa si Alessandro ay humalik na lang ako sa pisngi niya bago pumasok. Nami-miss ko ng ka-bonding ang anak ko kaya kapag walang pasok talagang ipapasyal ko siya.
Nang dumating ako sa opisina ay wala pa si Beckett. Kaya nagpunta muna ako sa canteen para bumili ng umagahan ko. Pagkatapos kong bumili ay agad na rin akong bumalik sa pwesto ko.
Eksaktong seven-thirty bumukas ang elevator at iniluw
